Република Македонија утре одбележува 19 години од успешно спроведениот референдум на кој македонските граѓани се изјаснија за самостојна и суверена држава. Убедливо мнозинство од над 95% од граѓаните што излегоа на референдумот на 8 септенври 1991 година позитивно одговорија на референдумското прашање: „Дали сте за самостојна Македонија со право да стапи во иден сојуз на суверени држави на Југославија“. На референдумот му претходеше Декларација за независност што првиот повеќепартиски македонски Парламент ја усвои на 25 јануари 1991 година.

Кризата во машкиот ракометен суперлигаш Прилеп се чини дека е минато. И покрај стравувањата дека ќе го гледаме истото сценарио од лани, управата на клубот беше упорна во својата намера да ги среди состојбите и екипата спремна да влезе во новата сезона. Неколку реномирани фирми од градов во последен момент решија да помогнат со цел клубот да не се најде во истата ситуација од минатата сезона.

Изминатиот викенд во Кочани се одржа меѓународниот меморијален турнир Андонов- Колев на кој учествуваа елитните борачи од земјава,меѓу кои и три члена на Боречкиот клуб 7ми Мај Леов. Токму најголемото изненадување го приредија Мартин Стојаноски кој во категоријата до 55 килограми го освои 1то место со серија победи против членови на двата најелитни клубови од земјава, Бучим и Балканец.

Три нови бунари за технолошка вода ископа јавното комунално претпријатие Комуналец со локации на Градскиот стадион на новиот стадион на Могилата и во централното градско подрачје пред Центарот за култура Марко Цепенков. Соочуваки се летово со високите температури и потребата од повеке вода за полевање Комуналец интензивно работи на проеkтот технолоска вода. Неделава заврши испитувањето на водата на градскиот стадион кој е со издасност од 3 литри и во целост ке ги задоволи потребите за полевање на зелените површини.